[مـعنـى الابـداع صـنـع الـشيء الـمسـتحـيل ونـحـن نـصـنع الـمـستحـيل { المقلدون خلفنا دائما } مـن قـلـدـنا اثـبـت لـنـا بانـنـا الافـضـل]
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 سوالف بنات الكليه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
لولو الامورة
ألمشرفة ألعامة MCP

ألمشرفة ألعامة MCP


تاريخے التسجيلے•|~ : 02/08/2011
مُشارڪاتے •|~ : 2539
تاريخے الميےلاد•|~ : 20/06/1995
العمےر•|~ : 21

العملے •|~ : طالبـــــــــــــة اعداديـــــــــــــــة


مُساهمةموضوع: سوالف بنات الكليه    الأحد ديسمبر 11, 2011 8:56 am





هلو

تعالوا نشوف شيصير حجي و كص بين البنات اللي بالكية
خلونا ندخل داخل احد الكيات اللي تنقل الطالبات


نروح للشله البنات اللي وره السايق


امي كالت لخالي فيصل يودينا السوك اليوم
مو كلتي خالج هذا مسافر لندن
لا اللي مسافر هذاك حمودي ابن خالي محمد
البنيه معرفتها على اسماء العائله الكريمه ممبقيه ولا واحد


ومن جهة الخ نلكه شلة الحقن والسرنجات

امتحان القواعد كلش جان صعب اليوم
اللي يسمعها خطيه راح ترسب وهي تريد تطلع الاولى عالمرحله بت الاوادم شكد يعجبج تبجين بوجه العباس

أي شنووووو والله صعب ما عرفت الاعراب اني شكيت هو (جار ومجرور) لو (مجرور و جار)


ومن جهة أخرى نجد بنات النت

البارحة دخلت الجات وملكيتج ليش يولي خير خو ماكو شي
داخلة بس انفزبل
زين وبالمنتدى هم ماكو ضليت ادور على اسمج وماكو ولا دخلتي ليش
بلي جنت موجوده بس مغيره اسمي
ليش غيرتيه
مزاجي
زين لعد اشو مد تردين على مواضيعي ابد مو اني كلها رديت عليها وانتي ماكو ولا رد
والله محد جبرج تردين على مواضيعي ولا احد ضربج على ايدج وكللج راقبيها
لو ميته من القهر حطوني مشرفه وانتي بعدج عضو متوسط عوع اوييي


وفي اخر الكيا نجد الفن والطرب

بنات سمعتوا كاسيت حسام الجديد والله روعه
بس مو احسن من شريط ماجد المهندس
اكول اسكتي بس انتي و هذا ماجد مالتج
ايه والله كلش مو حلو لو ما المرطب اللي حاطه على شفته
لا بس حلو الولد شنو وهم صوته حلو
أيه بس ميوصل لحذاء حسام

ومجموعة القافلين الا يتزوجون واللي يحجون عن الطبخ

اوهوووووووو ما اريد ارجع للبيت بلكت اليوم ينزلني اخر وحده يارب
انتي غير زماله ليش شبيج
اليوم سبت عطلة الخدامه
هيه هسه تلكاه خايسه من الجيفه هاي ام الخدامه



واما بنات الميك اب والموضه

شفتي اخت العروسه البارحه روعه وخصوصا فستانها طالعه تخبل بتل بتل
أيه هوايه وشفتي الظل اللي مسويته قمة الغباء ليش مسويته جوه عيونها
يا بنتي هاي اخر موده شبيج هسه نازله اليوم
لا تحجون بمواضيع وهيه كلشي متفتهم بيها خاله فهيمه
نعم شنو قصدج هاي عليه شحدج
لا يا ماما على مرة عمي



واخر شي الدجات

اريد الواجب مال انكليزي مال باجر
وليش ماتحلي بنفسج من غشنا فليس منا
دسكتي لج دسكتي مو انتي ناقلته من اللي كاعدة يمج
بس ادحكين عالولدهاااه خو انتي بالشعبه كاعده تراقبين جنج مخابرات
ايه ديلله لتغلسين انطيني الدفتر دا احل يعني اجباري
بالله انا نقلته لانو احنا معزومين و ورايه طلعه اليوم انتي شكو
دروحي مو صوجج نذله لئيمه حقيره
دي يللله انجبي
خخخخخخخخخخخخخخخخخخخخخخخخخخخخخ اتمنى ينال اعجابكم


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
سوالف بنات الكليه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ام سي بي موسيقى Mcp Music Forums :: منتديات التحشيش :: منتدى الحشاشة-
انتقل الى: